eDSH Hyrje

Hyrje

Kombi

Bashkimi

Histori

Krimet

E Djathta

Veprimtari

Libra

Kuvendi

Posta juaj

Kush jemi ne

Tregoi një miku

Emri juaj:

E-maili juaj:

E-maili i mikut:

Komenti juaj:

Një kopje për ju

Përse kjo faqe?
nga eDSH

... sepse "Jo, shpëtimi i kombit shqiptar varet vetëm nga ndërgjegja e tij. Dhe këtë ndërgjegje mund t'a zgjojë dhe ta ndezë vetëm flaka dinamike e një djelmënije të pastër, të një djelmënije vetëmohimtare dhe plot aktivitet shembëllor. Nga aparati mekanik qeveritar s'ka çka pritet ndër këto punë. Qeverija mund t'i dorëzojë popullit mjete për kurim e përparim, porse s'mund të kujdesohet edhe për përdorimin e vlefshëm të tyre. Këto të gjitha janë punë ndërgjegjeje, janë punë të shpirtit. Dhe shpirti ndezet vetëm nga një shpirt tjetër, nga një shpirt i flaktë ... Disa mijë vjet historik shikojnë sot mbi djelmëninë shqiptare; amaneti i një kombi shpirtmadh, i asht lëshue asaj nder duer. Ruejeni amanetin e kombit, ruejeni frymën e trashigimin e tij! Ndizeni zjarrin e shenjtë mbi majën e Tomorit ... dhe lëshojeni kushtrimin anembanë: Kombi në rrezik!!! ..."
Prof. Dr. Phil. Krist Maloki

... sepse kombi shqiptar pati në vitin 2000 një deputete gjakpirëse në kuptimin e mirefilltë të fjalës

... sepse kombi shqiptar ka sot prapë një kryeministër që pati pafytyrësinë të deklarojë si kryeministër i RSH –kryeqyteti i Kosovës është Beogradi-( lë të përfytyrojmë për një moment që një kryeministër serb të deklarojë –kryeqyteti i Kosovës është Tirana-, apo kryeministri grek të deklarojë - kryeqyteti i Çamërisë është Tirana-, apo kryeministri maqedonas të deklarojë- Shkupi është qytet shqiptar-)

... sepse "Nën një propagandë ekstreme kundër komunizmit dhe me disa ndëshkime të vogla të nomeklaturës së lartë komuniste, ne komunistët reformatorë do të zbatojmë strategjinë tonë në ekonomi, që kapitalistët dhe pronarët e ardhshëm në një vend kapitalist të jemi ne, njerëzit tanë."
Ramiz Alia, tetor 1989 (cituar nga gazeta 55)

... sepse "Unë kam marrë vetëm hakun tim. Babai ynë i përbashkët Enver Hoxha, të ardhurat e çifligut të vet Shqipëri, ua ka ndarë me dorë në zemër popullit të tij, sipas punës dhe meritës. Për shëmbull, kooperativistit i jepte 20-30 lekë për ditë pune, aq sa ai i kishte mjaft, se po t'i jepte më shumë, tërbohej dhe nuk dilte çdo ditë në punë. Enveri, gomarit i jepte një dorë kashtë, kurse atit tagji. Punëtorit i jepte pak më shumë se fshatarit, sa të mbante shpirtin gjallë sepse ai s'kishte tjetër gjë përveç krahëve. Atyre që i mbanin në këmbë pushtetin, u jepte edhe diçka më shumë sepse i kishte besnikët e vet që i ruanin pushtetin, u jepte edhe më shumë, që të ishin gjithmonë vigjilente. Kurse mua që më dërgoi me detyrë dhjetëmijë kilometra larg, që të mos e tradhëtoj, më dha hakun tim. Ndërsa ty dhe shokëve të tu, armiq të betuar, ua bëri vendin në shtëpinë pa qera dhe u jepte një kothere buke thatë që të vdisnin aty pak nga pak, për të trembur me ju të tjerët që të rrinin urtë."
Rrëfimi i një sigurimsi në SHBA (cituar nga "Rimëkëmbja")

... sepse na ishte një ditë e bukur pranvere dhe femijët e fshatit po luanin hareshëm në oborrin e shkollës, por gjaksi afrohet. Nika i vogël e ndjen, ngrin dhe belbëzon – a ma fal dhe sot jetën- por gjaksi ...

... sepse realiteti i sotëm shqiptar për mendimin tonë është shumë i thjeshtë: Klanet sunduese janë po ato që nga 1944, klani hoxha dhe klani kapo. Të djathit janë të përçarë e shumë prej familjeve tona akoma nuk mund të sigurojnë as bukën e gojës.

... sepse ...
Me të vetmin qëllim:

Ne të djathtit të njohim njëri-tjetrin dhe të ndihmojmë njëri-tjetrin.

ANTON ASHTA
Lindur me 01.01.1969 në Tiranë. Shkollën tetëvjeçare dhe të mesme e kam mbaruar me mesatare 9.9 po në Tiranë. Nga viti 1987 e deri në 1991 kam studiuar (i detyruar sepse interesi im dhe tradita e familjes e kërkonte që unë të studioja mjeksi) në degën Matematikë, në Fakultetin e Shkencave, në Tiranë. Fakultetin e kam mbaruar me mesatare 8.8. Në vitin shkollor 1992-1993 kam qenë nëndrejtor në shkollën tetëvjeçare "1 qershori" në Tiranë.
Në vitin shkollor 1993-1994 kam qenë për një kohë të shkurtër nëndrejtor në shkollën tetëvjeçare "11 janari "në Tiranë. Prej vitin 1993 jetoj në Gjermani, ku jap mesim matematike privatisht.
Interesat: shah, energjitë e ripërtëritshme, financë, not, basketboll, birrë.
Motoja e jetës: Bëj një herë të domosdoshmen, pastaj të mundshmen dhe papritur do të arrish të pamunduren. - Shën Françesku i Assizit

SEFEDIN KRASNIQI
I lindur në Trimor (ish Zhilivodë) komuna e Vushtrrisë në Kosovë. Shkollën fillore e kam mbaruar në vendlindje, ndërsa të mesmen, gjimnazin në Prishtinë. Kam diplomuar në Fakultetin Folosofik të Prishtinës, dega Gjuhë dhe Letërsi Frënge. Gjatë studimeve kam qëndruar shpesh në Francë me qëllim përfeksionimi të gjuhës. Në St. Cheron kam mbaruar kursin për edukator dhe kam punuar shpesh në pushimore për fëmijë (Colonies de vacances) në Francë.
Pasi kam diplomuar, kam punuar profesor i gjuhës frënge në dy shkolla të mesme në Prishtinë. Më vonë kam organizuar mësimin plotësues në gjuhën shqipe për fëmijët e punëtarëve shqiptarë në Francë dhe në Zvicër. Sa kam qëndruar në Francë, në të njëjten kohë kam dëgjuar ligjërata në Universitetin e Bësançonit.
Përkohësisht kam braktisur arsimin dhe me një ekip miqësh kam marrë pjesë në botimin e tre librave, që trajtojnë luftën çlirimtare të Kosovës 1998/99.